दोन लेकरांची आई मी

[meenakshi mali]

भयाण एक रात होती
आयुष्य संपवायची
चार जणात बात होती
गेले दोन जीव त्या राती
बहीण न् भाऊ उरले
कसबसे जगू लागले
एक लेकरू आईचं
दुसरं लेकरू माझ्या उदरातलं
दोन लेकरांची आई
होऊन मी जगू लागले
मायेचं पांघरूण दोघांना
सारखेच घातले
आईच्या लेकराला
पंख फुटले नी
त्याने त्याचे घरटे बांधले
दोन लेकरांची आई मी
माझ्या चारित्र्यावर
शिंतोडे उडवले
बहीण भावाच्या
आई मुलाच्या नात्याला
हो कलंक तीने लावीले
गुंता नको नांत्यांचा व्हायला
अधिक म्हणून मी
घरटे त्याचे माझे सोडले
आता त्याचे मी माझे
वेगवेगळे झाले
नातं ही विरत गेले
लेकरू आईचं मला विसरू लागले
यशोदा होऊन मी काय मिळवले ?
तोवर काळान दुसरा घात केला
माझे लेकरू अंधत्वाची
पायरी चढू लागले
आतडं माझं तुटत गेलं
काळीज चिरत चालले
ख-या आयुष्याची गाथा माझ्या
मीच आता पुढे न्यायची
किती वादळं आली
तरी जगत मी राहीले
लेकरांची आई होऊन
जगत राहीले
जगतच राहीले.......

-Meenakshi