असशील कुठे तर..

[meenakshi mali]

असशील कुठे तर ये ना गं आई
दाटलाय कंठ आभाळ भरलंय उरात
पण मोकळंच होता येत नाही
चिंध्या झाल्या आयुष्याच्या
पण ठिगळ लावता येत नाही
असशील कुठे तर ये ना गं आई
दलदलीतून मला बाहेर काढ
हात दे मला तुझ्यापर्यंत यायला
जगण्याची ओढ मला नाही
माझ्या पिलाव्यतिरिक्त गं
मला कुणी उरलं नाही
असशील कुठे तर ये ना गं आई
असती तू तर आज
चारित्र्याला कुणी माझ्या
कलंक लावला नसता
एका घरटयाची दोन घरटी झाली नसती
तुझी लेकरं वाट चुकली नसती
रक्ताची गं नाळही तुटली नसती
मायेची छाया हरवली नसती
असशील कुठे तर ये ना गं आई
बोलायला गं माझ्या जवळ कुणी नाही
वाहतात अश्रुंचे झरे आता थांबतच नाही ......
थांबतच नाही ...ये ना गं आई....
Meenakshi

[ketan(k.k)]

येना ग आई