सबला

[shamtarange]

नारी जातीच्या यशाची गाथा
सतत तू स्मरत रहा
नितांतसुंदर जीवनात ह्या
सबले तू सजग रहा
लाख संकटे येतील जरी
ढळू देऊ नकोस तोल
संकटातूनी मार्ग काढूनी
सिद्ध कर स्वतःचं मोल
चौथरे, गाभारे प्रवेशबंदी
हे सगळं फोल आहे
तुझ्या मनातला भक्तीभाव
हाच खरा अनमोल आहे
मुलाबाळांना शिक्षण दे
कर त्यांच्यावर सुसंस्कार
मुलगा,मुलगी भेद नको
कर स्त्रीभृणहत्या हद्दपार
कार्यालयातील अधिकाराचे
पद तू जरूर घे
घराचेही घरपण जप
मांगल्याचा सूर दे
मार्गामध्ये काटे येतील
कधी येतील मोठे अडसर
त्यातून मार्ग काढत तू
गाठ यशाचे उत्तुंग शिखर
अशक्य तुला काही नाही
विश्वास ठेव स्वतःवरी
कवेत घेण्या अंबरास ह्या
मुक्त , स्वच्छंद घे भरारी !
https://marathikavy.wordpress.com/