पैसा.....!

[Rajesh khakre]

पैसा

पैसा या जगातला फार
मोठा चमत्कार आहे
पैश्यावाल्याला सर्वांचा
वाकून नमस्कार आहे

पैसा असेल जवळ
खुशाली विचारेल दुनिया
तुझ्या पुढेमागे तोपर्यन्त
फिरेल सारी दुनिया

पैसा आहे तर सर्व आहे
नाहीतर जन्म व्यर्थ आहे
दारिद्रयाचे जीणे येथे
जणू निर्रथक आहे

पैसा आज या जगात
माणसापेक्षा मोठा आहे
म्हणूनच माणुसकीचा
आजही तोटा आहे

पैशामागे धाऊन धाऊन
जेव्हा धाप लागते
पाठीवर आधाराची
कुणाची थाप लागते

भावना जेव्हा वितळतात
आणि मन मऊ बनते
पैशांचे काम तेव्हा मात्र
तिथे काही ना चालते

हवा असतो हात तेव्हा
आत्मीयतेने ओलावलेला
पैशापेक्षा प्रेमाच्या
रंगाने रंगलेला

पैसा तेव्हा फक्त
कागद बनून राहतो
पैशावर माणुसकीचा
पुन्हा विजय होतो

माझ्या देवा तु मला
कमी-जास्त पैसा दे
माणुसकिचा झरा
मात्र भरभरुन दे

भोवती अनेक व्यक्ति जरी
एखादी अशी असू दे
माझ्या फक्त कर्तुत्वावर
तिला विश्वास असू दे
©राजेश खाकरे
Mo.7875438494
rajesh.khakre@gmail.com