तुझ्याविना गं आई

[ashok more]

तुझ्याविना गं आई 
झोपच नाही येत मला
लहान पिल्लू बोबड वाणी
सांगू गं कसा तुला

तुझ्या कुशीतच स्पर्श तुझा
कळला गं जन्मा आधीच
तुझं आणि माझं नात
जुळल होत गं कधीच

तुझ्याच दुधावर माझी
भागते गं भूक तहान
झालो नाही अजून मोठा
तुझा गं पिल्लू मी लहान

रुसून कधी मजवर आई
लोटू नकोस गं दूर अशी
तुझ्या मायेच्या पंखाविना
झोप मला गं येईल कशी

होईन आता शहाणा मी
देणार नाही गं त्रास तुला
नाही करणार दंगामस्ती
कुशीत घेऊन झोप गं मला

                    अशोक गं. मोरे