आई

[Vinod Thorat]

आई

सकाळी भल्या पहाटे सुरु होणारा तुझा दिवस
रात्री सगळं आवरल्याशिवाय संपत नाही
एवढं सगळं करताना तू दमत कशी नाहीस
हेच मला कळतं नाही

प्रत्येक सणवार साग्रसंगीत करतेस
देवधर्मही मनापासून करतेस
देवाकडे स्वतःसाठीही काही मागतेस कि फक्त आमच्यासाठी
हेच मला कळत नाही

सगळ्यांची आजारपण काढणारी तू
स्वतः आजारी कधीच पडत नाहीस
सगळ्यांच सगळं करताना स्वतःला मात्र कशी विसरतेस
हेच मला कळत नाही

इतकी वर्ष झाली तुझ्यापासून दूर राहून
पण प्रत्येक वेळी तुझा निरोप घेताना
डोळ्यातले अश्रू थांबत कसे नाहीत
हेच मला कळत नाही

देवाला न मानणाऱ्या मला
तो दाखवून देतो त्याच अस्तित्व तुझ्यातून नेहमी
देव तरी आई तुझ्यापेक्षा वेगळा काय असेल
हेच मला कळत नाही

- विनोद थोरात, जुन्नर
मोबा. 8983448219