जादुई माझी आई

[sachinikam]

****   जादुई माझी आई   ***
--------------------------------------------
कवी: सचिन निकम. पुणे.
sachinikam@gmail.com
--------------------------------------------
नऊ मासांची सोसुनी कळ
दिले जगण्याचे तिने बळ
गाउनि भूपाळी नि अंगाई
जादुई माझी आई
जादुई माझी आई


पहिला हुंकार जणू प्रणव ओंकार
पहिल पाउल जणू यशाची चाहूल
बनली यशोदा नि जिजाई
जादुई माझी आई
जादुई माझी आई


सावलीत मायेच्या वाढविले
संस्कार माणूसकीचे घडविले
वाहिली गोदा नि कृष्णामाई
जादुई माझी आई
जादुई माझी आई


तिच्या भाकरीला साखरेची गोडी
आशीर्वाद सदैव असे जोडी
सोबत नसताना सुन्या दिशा दाही
जादुई माझी आई
जादुई माझी आई.


माझे यश माझी कीर्ती
जिंकण्याची कायम दिली स्फूर्ती
जिच्या कष्टाची सारी पुण्याई
जादुई माझी आई
जादुई माझी आई.
-------------------------------------------