==* प्राणज्योत *==

[SHASHIKANT SHANDILE]

आठवणी जाळतांना तुझ्या
काळीज ही पेटत होते
पेटतांना एक एक कागद
गेले दिवस आठवत होते

वेळ का ओढवली अशी ही
प्रेम हे मिटवावे लागले
तू नसतांना ही जगनारा मी
तुलाच विसरावे लागले

घट्ट धरून मलाच मनाला
मग समजवावे लागले
एक एक आठवणी जाळतांना
मलाही जळावे लागले

काय व्हायचे काय हे झाले
वाहले कसे प्रेम वारे
काल पर्यन्त जपले प्रेम जे
अचानकच राख झाले

नाती गोती सर्व जपतांना
मिच विझविली प्रेमज्योत
असेच जगने जगावे आता
जळे पर्यन्त ही प्राणज्योत
---------------//**--
✍शशिकांत शांडिले, नागपूर
भ्र. ९९७५९९५४५०