जीवना कुशीत

[विक्रांत]

सुखाचे गोजिरे स्वप्न हरखले 
एक उमलले फुल घरा ||
दातारे दिधले आनंद निधान
नव्याने तोरण बांधियले ||
सुखाची आवृत्ती परी असे नवी 
जैसी वर्षा यावी भरुनिया ||
आनंद थरार सर्वांगे आभार
कृपा दीनावर लोट वाहे ||
जीवन मिठीत जीवना कुशीत
घेवूनी वाहत आहे जन्म ||
तुवा दिधले जे प्रेमे सांभाळीन
तुझे ते जपीन जीवापाड ||
विक्रांत जाहला पुनरपी पूर्ण
फिटूनिया ऋण विधात्याचे ||

डॉ.विक्रांत प्रभाकर तिकोणे
http://kavitesathikavita.blogspot.in/