प्रेमाचे मुकेपण

[ashok more]

प्रेमाचे मुकेपण

समोरून जाताना नेहमी
हसतच निघून ती जाते
जाता जाता एकदातरी
पाठमोरी बघून ती जाते

तिचंही असावं प्रेम मजवरी
तिलाही सांगावयाच वाटत असेल
कुणीतरी बघेल कुणीतरी चीडवेल
कि लाजेने ती सांगत नसेल

सागरापरी खोलवर रुतलेले
तिच्यावरचे प्रेम मनात घोळत आहे
शब्द अनेक ओघळतात मनी
ओठावर येता येता विरघळत आहे

प्रेम आहे माझे तुजवरी
तिला एकदातरी सांगायचे आहे
मनात भरल्या भावना दाट
पण त्या  मूक धरून आहे

शब्द फुलतात मनात प्रेमाचे
ओठांवर खुलावयाचे आहे
प्रेम आहे तुजवरी सांगाया
एकदातरी तिला भेटायचे आहे


                                   अशोक मोरे