II रात्रीला पंख फुटले II

[siddheshwar vilas patankar]

रात्रीला पंख फुटले

अन ती गेली उडून

दिवस बिचारा काम करून

गेला थकून भागून

शोधू कुठं अन जाऊ तरी कसं ?

अर्धवट नोकरी सोडून

विचार करुनी तो वेडा झाला

मग्न गेला बुडून

वैनतेयास सांगे विनवून

कामिनीस आन शोधून

खगराज तो भ्रमण करून

आला निरोप घेऊन

गरोदर आहे यामिनी

आपण तात बनलात म्हणून

हतबल होवून तो अर्धा झाला

पायाखालची जमीन गेली सरकून

अन कामाचा उडणारा बोजवारा आठवून

हात पाय गेले गळून


सिद्धेश्वर विलास पाटणकर C