II चल बस्स झाले आता II

[siddheshwar vilas patankar]

चल बस्स झाले आता

दूर कुठं तरी जाऊ

अन चहा मिळतेय का ते पाहू

नको तो गोंधळ कामाचा

वीट येतो आता जिवाचा

टाइमावर या अन

स्वतःची लावून जा 

चल बस्स झाले आता

दूर कुठं तरी जाऊ

अन चहा मिळतेय का ते पाहू II

कान ऐकेनासे झाले

डोळे उघडेनासे झाले

गोत्रे थकली सारी

थकलो पुरे रे नाथा

चल बस्स झाले आता

दूर कुठं तरी जाऊ

अन चहा मिळतेय का ते पाहू II

धावाधाव कधी न संपणारी

महिन्याअखेरी रिती शिदोरी

सदानकदा असे कर्जबाजारी

धाव धाव दुखःहर्ता

चल बस्स झाले आता

दूर कुठं तरी जाऊ

अन चहा मिळतेय का ते पाहू II

सिद्धेश्वर विलास पाटणकर C