ऊठ मराठ्या जागा हो अन पेटव सारे राष्ट्र

[siddheshwar vilas patankar]

उठ  मराठ्या जागा हो अन पेटव सारे राष्ट्र

हे विश्वची अमुचे घर असे नसे केवल एक महाराष्ट्र

शिवरायाचा पाठ गिरवावा

भ्रष्टाचार समूळ उखडावा

सैनिकांचे रक्त सांडले

पावन अपुली भूमी

या मातीतच टिळकही घडले

तर स्वातंत्र्योत्तर कृमी

नाळ आपुली पावन भूची

जा नसे तुम्हास जाण

उठ  मराठ्या आधी जागा हो

मग फिटेल सारे वाण 

बलिदानाची वेळ जाहली

पेटव साऱ्या मशाली

टाक एक तू पाऊल पुढचे

बघ पेटेल उभी ही दिल्ली

वाऱ्याचे तू रोख मोडसी

तुजसम नसे रे कोण धाडसी

अंगार जन्मतः नसनसात भिनला

का रे उगा तू रडसी

उठ  मराठ्या जागा हो अन पेटव सारे राष्ट्र

हे विश्वाची अमुचे घर असे

नसे केवल एक महाराष्ट्र
 
अंग्रेजी पिलावळ हि भारी

पिळून खाती सारी

माय माउली विकून खाती

ठेवी पुरावया माती

इतिहासाची पाने तू गिरवी

इतिहासच पुन्हा तू घडवी

या मातीचे मोल बाळगा

म्हणून म्हणतो दादा

उठ  मराठ्या जागा हो

अन पेटव सारे राष्ट्र
हे विश्वाची अमुचे घर असे

नसे केवल एक महाराष्ट्र II


कवी :: सिद्धेश्वर विलास पाटणकर C