करायला गेलो आत्महत्या

[siddheshwar vilas patankar]

केलेल्या कृत्यांचा  पश्चाताप  म्हणून

करायला गेलो आत्महत्या

टाकला दोर वर पंख्यांला

राहत्या नव्या  घरी 

घेतला गळफास तेव्हा

गदागदा हलु लागले सिलिंग

नको तो डोक्याला ताप झाला

सिलिंगसकट वरचा माणूस खाली आला

दोघेही उताणे एकावर एक पडलो

दोघेही जागच्या जागीच मोडलो

घातली बिल्डरच्या नावाने शिवी

साला बिल्डर हाय कि न्हावी ?

साल्याने एवढी मोठी इमारत बांधली

पण साधी एक आत्महत्या करताना

शेण  अन माती खाल्ली

त्याची कामातली भेसळ उघडी झाली

केवळ माझ्या त्या प्रयत्नामुळे

त्याची उखडली गेली पाळेमुळे




सिद्धेश्वर विलास पाटणकर C

[ashok reddy]

mind blowing imagination sir, keep it up

[spatankar_13]

लाभले अम्हास भाग्य बोलतो मराठी
जाहलो खरेच धन्य ऐकतो मराठी
धर्म, पंथ, जात एक जाणतो मराठी
एवढ्या जगात माय मानतो मराठी

मित्रा तुझ्या अभिप्रायाने मी आज धन्य  झालो . मातृभाषेचे पांग फेडल्याप्रमाणे वाटले बघ . धन्यवाद मित्रा . असे वाटतेय अटकेपार झेंडा फडकला एकदा .