प्रेम : यमक चौकडी

Started by nitinchyakavita, June 15, 2016, 12:03:56 PM

Previous topic - Next topic

nitinchyakavita

                 प्रेम : यमक चौकडी

प्रेम...जलसा मैफलीत हमखास वाद्यात
       तारुण्य बूकी हरएक गद्यात
       हौशी हून्नरींच्या नित्य पद्यात
       अनादी पुरातन आताही सध्यात .

प्रेम... हर्षीते एकूण एक गात्र
         शिक्षेतही मौज देणारे एकमात्र
         कथानक तेच निरनिराळे पात्र
         भावनांची घुसळण अहो दिनरात्र .

प्रेमात... वर्णवय न सानमहान भेद
          अपेक्षांना पदोपदी अनपेक्षित छेद
          परकाष्ठा सीमांना हरल्याचा खेद
          पारायण सलांचे विना पोथी वेद .

प्रेम... तनामानाचा परस्परांशी मूक संवाद
        आत्म्याशी  मोदाचा तृप्त सूसंवाद
        संवेदनांचा चेतानांशी जसा अतिसंवाद
        हृदयाशी  भौतिकतेचा अटळ विसंवाद .

प्रेम... आपल्याशा कैफात सदैव धुंद
        रखरखी आयुष्यी चैन्दाने मंद
        जगी  रूढी  नियमांना प्रवेश बंद
        विरंगुळा नाद जीवघेणा छंद .

प्रेम जणू...  रोषांचे सावज, हसरा छळ
               तापाची तपस्चर्या, घटीकेचे  फळ
               एकांताचा ओलावा, गर्दीची झळ
               प्रेरणा श्वासांची, जगण्याचे बळ .

                                           --- नितीन गिरधर शिंदे .