पावसाळा

[पल्लवी कुंभार]

लागल्या आसेने पुसले नियतीला
यंदाचा मासही कोरडा का होता

धगधगत्या जमिनीने टाहो फोडला
सरता आषाढही रिताच गेला

सळसळत्या वाऱ्याने पाचोळा वाहिला
मनावरची काजळी पुसून काढत गेला

टपटपत्या थेंबांचा खेळ प्रारंभला
या घडीला डाव उशिराने रंगला

रपरप पावसाने फेर हा धरला
ओसाड सृष्टीला न्हाऊ घातला

जरी कोरडा तू आज बरसला
कालचाच "पावसाळा" आम्ही पुन्हा पाहिला

~ पल्लवी कुंभार

[Shrikant R. Deshmane]

जरी कोरडा तू आज बरसला
कालचाच "पावसाळा" आम्ही पुन्हा पाहिला

chan aahe...

[Vedanti]

chhan

[niteshk]

फारच सुंदर