स्वप्न खोटे का पहावे

[Swamiji]

स्वप्न खोटे का पहावे....

जे दिसे प्रत्यक्ष सारे त्या भ्रमाला जाणता,
वेगळे मी स्वप्न खोटे का पहावे झोपता...

का उद्याची झोकुनी ग्वाहीच देती बावळे,
नष्ट हो एका क्षणी जे काळ त्यांचा कोपता...

धर्म किंवा नीतिच्या का सांगती गप्पा कुणी,
जे दयेचे कर्म केले, गर्व त्याचा दावता...

त्यागवैराग्यास सांगे थोर, त्याची भाषणे
द्रव्यशुल्काने सुरू हो, दक्षिणेने सांगता...

बौद्धिकाचा आव मोठा पुस्तकी विद्येमुळे,
चामडीला का बचावी संकटाला पाहता...

छद्म प्रेमाची दुकाने लागली चोहीकडे,
आटते ते प्रेम कैसे स्वार्थ त्यांचा संपता...

रात्र होता जी विरूनी जाय, जाणीवेत ना,
त्या तनूला सत्य कैसे, स्वप्न का ना मानता...

- स्वामीजी (१२ जुलै २००८)
(वृत्त कालगंगा - गालगागा गालगागा गालगागा गालगा)

[rudra]

thanx..............

[santoshi.world]

chhan ahe .......... hya oli khup avadalya .....

जे दिसे प्रत्यक्ष सारे त्या भ्रमाला जाणता,
वेगळे मी स्वप्न खोटे का पहावे झोपता...

छद्म प्रेमाची दुकाने लागली चोहीकडे,
आटते ते प्रेम कैसे स्वार्थ त्यांचा संपता...

रात्र होता जी विरूनी जाय, जाणीवेत ना,
त्या तनूला सत्य कैसे, स्वप्न का ना मानता...