आजकाल....

[Asu@16]

                 आजकाल....

दिसतं तसं नसतं !
आजकाल हे असंच असतं !
            पाऊसही आता नांदत नसतो
            लिव्ह इन रिलेशन मध्ये असतो
            वाटेल तेव्हा सोडून जातो
            बरीच घरं पाडून जातो.
            चक्र रेल्वेची मोडून जातो
            वस्त्र पालिकेची फेडून जातो.
दिसतं तसं नसतं !
आजकाल हे असंच असतं !
            पेपरही रोजचा तोच असतो
            खून दरोडे तोच भ्रष्टाचार
            दहशतवाद, धर्मवाद तोच बलात्कार
            कागद फक्त नवीन असतो.
            अंगाचा पापड भाजून होतो
            न वाचताच पेपर वाचून होतो.
दिसतं तसं नसतं !
आजकाल हे असंच असतं !
            पुढाऱ्यांच मात्र बरं असतं
            बंदोबस्तात सारं बसतं
            सज्जनांना छळता येतं
            दुर्जनांना वळता येतं.
            हडपलेल्या काळ्या जमिनीवर
            पैशाचं पीक घेता येतं.
दिसतं तसं नसतं !
आजकाल हे असंच असतं !
सगळ्यांना सगळं माहीत असतं
पण, कुणालाच काही दिसत नसतं !

- अरुण पाटील

[Nihar]

Apratim ... baryach diwasani chan kavita vachali

[Nihar]

Nihar,

Dhanyavad

- Arun Patil