एकटा

[niteshk]

एकटा

सादेला प्रतिसाद ना मिळे
जगात एकटाच राहिलो
सोबतीला ना येई कोणी
वाट एकटीच चाललो

जोडली नाती बरीच, खोटी
एकटा स्वप्नामागे धावलो
जाग जी कायमची आली
मला मी एकटाच सापडलो

प्रेम जे केले मी गहिरे
डोहात एकटाच उतरलो
पोळले हात यात इतके
तरी होतो एकटा गुंतलो

आधार देई ना कोणी
एकटा मी धडपडलो
घाव झेलले एकट्याने
एकट्यानेच सावरलो

मानले ज्यास जीवन माझे
त्यांस ही नकोसा जाहलो
सोडले मग सारे अलीकडे
पलीकडे एकटा पोहोचलो

दुःख ही पचविले एकट्याने
जसा सुखातही आनंदलो
एकट्याला साथ एकटेपणाची
एकट्याचे आयुष्य एकटे जगलो

स्वलिखित

[shashi1]

nice poem

[niteshk]

Thank you