सोडून जातांना एकदा तू मागे वळायचं होतं.

[Kunte mahadev]

सोडून जातांना एकदा
तू मागे वळायचं होतं.....
तुझं माझं नातं
थोडं जपायचं होतं.....

पाठ फिरवली मी,
तु हाक मारायचं होतं....
लपवलेल्या अश्रुंना माझ्या
थोडं न्याहाळायचं होतं.....

काय हरवलं आहे आपल्यात ?
एकदा विचारायचं होतं....
अबोला धरला मी,
तु कारण ताडायचं होतं. ...

हसतांना मला बघुन ,
तु जरा गोंधळायचं होतं
एक हुंदका मी जपला,
तु ओळखायचं होतं....

स्वार्था पुरतीचं प्रेम माझं,
हे ही खरंच होतं....
पण स्वार्थातल्या या प्रेमात
एक "प्रेम" तेवढंच मुद्याचं होतं....

मार्ग आपले वेगळे, हे तर
शेवटी होणारच होतं...
स्वीकारायचं कसं.... हेच फक्त
कळत नव्हतं...

काळीज मी आणि ठोका तु एवढच
मला म्हणायचं होतं....
तुझं माझं नशीब, त्याने असच
का लीहायचं होतं....??
कवी~महादेव कुंटे मो, 9075197777

[Kunte mahadev]

तुमच्या भावना
प्रेमाला मिळेल प्रेमानेच उत्तर
असं काही सांगता येत नाही
तुमच्या विरहाला समजेल हरएक
असं काही सांगता येत नाही

तुमच्या भावना ओळखेल प्रत्येक
असं काही सांगता येत नाही
मनाची संवेदना जाणेलच कुणी
असं काही सांगता येत नाही

दुःखाचा दाह अनुभवेल कुणी
असं काही सांगता येत नाही
तुमच्या श्वासात जगेल प्रत्येक
असं काही सांगता येत नाही

तुम्ही आणि तुमचे विश्व एक
तुमच्यासाठी जरी अलौकिक
या विश्वात रमेलच कुणी
असं काही सांगता येत नाही
कवी~महादेव कुंटे मो 9075197777

[Kunte mahadev]

तुमच्या भावना
प्रेमाला मिळेल प्रेमानेच उत्तर
असं काही सांगता