[b]आनंदवन[/b]

[Asu@16]

आनंदवन

गाडी बंगला सोडून सगळे
झाले वनवासी
म्हणती जनगण, सगेसोयरे
झाले का हे पिशी !
                    आनंदाचे वनी भेटती,
                     नव्या युगाचे ऋषी.
जंगल तोडून मिळून बांधिला
आश्रम बावनकशी
श्वापदेही अहिंसक झाली
जादू केली कशी.
                     आनंदाचे वनी भेटती,
                     नव्या युगाचे ऋषी.
महारोगी की, महायोगी हे,
श्रमतपस्वी की, ऋषी
दगडातूनही पाणी आले
फुटक्या हातांशी
                     आनंदाचे वनी भेटती,
                     नव्या युगाचे ऋषी.
नव्या युगाची वाट दिसते,
तुटक्या पायांशी.
तुटक्या फुटक्या हाती पिकविती
आनंदाची कृषी
                     आनंदाचे वनी भेटती,
                     नव्या युगाचे ऋषी.
उद्यमेनही जगती सगळे
स्वाभिमानी तशी
प्रणाम त्या नरसिंहांना
निर्मिली मोक्षदायी काशी
                      आनंदाचे वनी भेटती,
                      नव्या युगाचे ऋषी.

- अरुण सु. पाटील

https://www.facebook.com/AsuChyaKavita

[vijaya kelkar]

खरोखर ,एकदा तरी भेट द्यावी

[Asu@16]

धन्यवाद !
असाच माझ्या कवितेचा उद्देश सफल व्हावा, हीच ईच्छा. प्रत्येकाने आनंदवनला एकदा तरी भेट द्यावीच, आपल्या खुजेपणाची जाणीव होते.