==* पालवी फुलू लागली *==

[SHASHIKANT SHANDILE]

पालवी फुलू लागली वाळल्या झाडावर
फांद्या ही डोलू लागल्या उभ्या खोडावर
कित्येक झाड मोडके थकल्या वाटेवर
पालवी फुलू लागली वाळल्या झाडावर

जणू संपले होते त्याचे पूर्णच अस्तित्व
रेंगाडत चालत होता बसल्या जागेवर
आज मिडाला श्वास नवा जगण्याला
उदार मन विश्वास फक्त माणुसकीवर

झडली फुले पाने अनं खोड मोडका
त्याचेच वाटे बोझसे त्याच्या धरणीवर
आज धीर मिडाला रडत्या डोळ्यांना
त्याचेच रक्त उठले त्याच्या जीवनावर

पुढे येऊनी आधार झाले भले ते लोकं
खंबीर उभा आज माथारा पायावर
अशी जुडावी मानवतेची फांद्याला फांदी
देउनी छप्पर पुसून अश्रू वस्त्र अंगावर

पालवी फुलू लागली वाळल्या झाडावर
फांद्या ही डोलू लागल्या उभ्या खोडावर
-----------------------//**--
शशिकांत शांडिले, नागपूर
भ्र.९९७५९९५४५०