मुंबईची शान !

[Asu@16]

       मुंबईची शान !

काय सांगू राजा
माझ्या मुंबईची शान !
मुंबाईची आन
कसे गाऊ गुणगान ?
         केली पावसाने दैना
         दुःख उरात माईना
         घरादाराची हालत
         कुणी ढुंकून पाहीना
पाणी साचे घरीदारी
शाळा काॅलेजांना सुट्टी
माय बाप ना घरी
मुले पडली एकटी
         नद्या मर्यादा सोडती
         गावें 'पुरावली' होती !
         जाती कासवाच्या गती
         मुंग्या वाहने सरकती
झाली वाहतूक कोंडी
गावं पावसाच्या तोंडी
साचलेले पाणी सांगे
डांस जन्माची कहाणी
         भविष्याच्या 'स्मार्टसिटी'
         भिकारणीचे रूप घेती
         स्थिती नगरांची सगळी
         ना याहून वेगळी
कोप वर्षाचा पाहून
गेले शासन वाहून
आता लढायला तय्यार
देवा, फक्त दे आधार

- अरुण सु. पाटील 

https://www.facebook.com/AsuChyaKavita