गांधी बाबा बरे झाले तुम्ही नाही

[sanket korde]

गांधी बाबा
चांगले कोणी बोलतच नाही हो आता
बरे झाले शब्द ऐकायला तुम्ही नाही
शब्द तुमच्या कानात शिरताच हातातली काठी त्यांच्या तोंडावर तुम्ही मारली असती
अहो गोरे इंग्रज परके होते
पंरतू हे काळे तर आपले आहे ना
आपल काही राहिल नाही इथे
रोज रचल्या जाते इथे कट आपल्याच माणसाविरूद्ध
आणि रचनारेही असतात आपलेच
म्हणून म्हणतो गांधी बाबा बरे झाले तुम्ही नाही
तुमच्या डोळ्यांना सहनच नसत झाल ते
इंग्रजाविरूद्ध लढला तुम्ही काठीने
या काळ्याविरूद्ध कसे लढला असता
एकाने तुमची काठी आणि एकाने तुमचा चष्मा चोरला असता
चालताना तुम्ही कुठेतरी खड्ड्यात पडला असता
आणि खड्डे फार वाढले बर आता इथे
तुम्हाला पाहिले ही नसते कोणी लवकर
सगळ्याच घटनांचा आढावा भेटला असता तुम्हाला रात्री बातम्या पाहताना ते सार पाहून तुमच्या हृदयातून एकच आवाज निघाला असता
हे राम काय चालल हे माझ्या देशात
म्हणून म्हणतो गांधी बाबा बरे झाले तुम्ही नाही 

संकेत