राखी

[sanket korde]

नाही माडी
नाही गाड़ी
नाही खिशात दमडी
तरीही मी आता नाही दुखी
ताई तू बांधली हातात माझ्या राखी

किती प्रेमाने लावला ताई तू कपाळा वरती टिळा
तुझ्या डोळयातल प्रेम पाहतो  भाऊ तुझा भोळा
तुझ्या त्या साखरेच्या घासाचा  ताई मी भुखी
ताई तू बांधली हातात माझ्या राखी

ओवाळूनी माझ्या वरती तो दिव्याचा प्रकाश
दिला आशिर्वाद तू किती पुरणार नाही आकाश
ताई बघून घे हा  आनंद तुझ्या भावाच्या मुखी
ताई तू बांधली हातात माझ्या राखी

ताई तुझी राखी देते ग बळ
वेडे हस थोड़ी बदलेल ही वेळ
माझ्या दुःखात ही साथ तुझी ठेवते मला सुखी
ताई तू बांधली हातात माझ्या राखी

पाहू नको आता जास्त दिवस तू वाट
आज प्रेमानेच भरतो मी तुझ हे ताट
एक दिवस देणार सार उरलेल हे बाकी
ताई तू बांधली हातात माझ्या राखी


संकेत