==* प्रेमाची साथ अपुली *==

[SHASHIKANT SHANDILE]

प्रेमाची साथ अपुली
प्रेमासवे जगावे
न्यायचे काय उराशी
देणे देऊनी जावे

पैसाही पुरे ना अंती
स्वाभिमान जपावे
माणूस म्हणूनी मरा
माणसात जगावे

कुणाकुणाचा वाद हा
कुणाचे रक्त वाहे
मरणाराही मी होतो
मारणारा मी आहे

कुठे झाली बुद्धि भ्रष्ट
कुणाचे हे इशारे
जाती धर्म नी स्वार्थाचे
तमाशे फ़क्त सारे

मीच श्रेष्ठ म्हणवतो
मीच नीचही झालो
आपल्याच मायदेशी
मीच गद्दार झालो
------------//**--
शशिकांत शांडिले, नागपूर
भ्र.९९७५९९५४५०

[sneha31]

Nice poem.....

[SHASHIKANT SHANDILE]

धन्यवाद !