==* आई तुझ्या दुधाला . . . . . *==

[SHASHIKANT SHANDILE]

आई तुझ्या दुधाला कसलेच मोल नाही
गाळले तू जे घाम ते रक्त म्हणवले नाही
रस्त्यावर फेकली ममतेची तुझी छाया
रक्ताला तुझ्या आता तुझीच गरज नाही
आई तुझ्या दुधाला . .

तू रक्त पाजुनी केले लहानाचे मोठे ज्याला
होऊनी तोच मोठा शहाणा किती झाला
दोन दिसाची नवरी वैरण झाली आईची
घरी बायको येता ममतेला विटाळ झाला
आई तुझ्या दुधाला . .

विसरुन दुधाची किंमत भाळला शरीराला
म्हणताच बायकोने लात मारली घराला
मुलावर का केले होते अन्याय या मातेने
पाठवले मरता खेपी आईस वृद्धाश्रमाला
आई तुझ्या दुधाला . .
--------------//**--
शशिकांत शांडिले, नागपूर
भ्र. ९९७५९९५४५०