मैत्री

[Asu@16]

मैत्री

मैत्री असावी अशी -
       फुलासारखी उमलणारी.
       कस्तुरीसारखी दरवळणारी.
       पाण्यासारखी पारदर्शी,
       आल्या रंगात रंगणारी.
मैत्री असावी अशी -
       जीवाला जीव देणारी.
       एकमेकां समजून घेणारी.
       सुखात सुखावणारी अन्
       दुःखात दुखावणारी.
मैत्री असावी अशी -
       चुकल्यास कान धरणारी.
       जिंकल्यास पाठ थोपटणारी.
       संकट समयी सावरून,
       आयुष्य तोलून धरणारी.
मैत्री असावी अशी -
        सागरातल्या दीपगृहासारखी, 
        जहाजातल्या होकायंत्रासारखी.
        मैत्री असावी मैत्री सारखी,
        नसावी दुसऱ्या कशासारखी.
कारण, मैत्रीसारखे नाते दुसरे,
        या जगती नाही.
        सर्व नाती घुसळून उभरे,
        लोणी जसे काही.

- अरुण सु. पाटील 

https://www.facebook.com/AsuChyaKavita