एक नातं

[niteshk]

एक पाऊस कोसळणारा
एक झाड वाचवणारे
एक समुद्र उधाणलेला
एक थेंब ओघळणारे

एक हसू खुलणारे
एक खळी गुंगवणारी
एक वारा झोंबणारा
एक नजर खिळवणारी

एक भेट नेहमीची
एक जागा गाठलेली
एक उशीर होणारा
जरी एक वेळ ठरलेली

एक रुसवा सारलेला
एक गप्पाष्टक रंगलेले
एक मिठी झिंगणारी
हात हातात गुंतलेले

एक कळी खुललेली
एक चेहरा लाजणारा
एक प्रिती बहरलेली
एक स्पर्श शहारणारा

एक बंध जुळलेलं
एक प्रेम जडलेलं
एक स्वप्न जगलेलं 
एक नातं... तू आणि मी जपलेलं