***** दुःख तुझ्या जाण्याचं *****

[Shri_Mech]

दुःख तुझ्या जाण्याचं


तू नाजूक मेणाच्या बाहुलीसारखी
मी ओबडधोबड कातळासारखा
एवढं असूनही आपलं नातं जुळलं
पण ते चिरकाल नाही टिकलं


तुला मनाच्या सागरात साठवून
मी भटकतो एकटाच अंधारात
शोधात राहतो औषध जखमेचं
पण मीठच बऱ्याचदा हाती येतं


संपलं होतं आपलं नातं
याचा आक्रोश केला नाही
पण तू आपल्या नात्याला विसरलीस
यामुळे झाली मनाची काहिली


जाणारच होतीस एक दिवस
भविष्य नव्हतंच आपल्या नात्याला
पण आठवणीतही तुझ्या उरलो नाही
याचा त्रास पाठ सोडत नाही


तू गेलीस दूर माझ्यापासून
याचं दुःख नव्हतं असं नाही
पण कुणा दुसऱ्याला तू जवळ केलंस
तेव्हा स्वतःला सावरू शकलो नाही


Shri_Mech