शोध सुखाचा.......??

[Ashok_rokade24]

शोध सुखाचा घेता घेता ,
            वाट ही सरून गेली ,
जळून गेली स्वप्ने सारी ,
             रक्षाच ओंजळी राहीली ,

गुण न दिसले कधी परी ,
             वैगुण्य सदा सामोरे आले ,
निसर्गाची जरी असे देणगी ,
             परी सदा जीवन झाकोळले ,

जवळ कुणाच्या जाणे नाही,
             जवळ कधी घेणे नाही ,
हितगुज मनीचे मना संगाती ,
              नित राहीला एकांत सोबती ,

दुखा:ला नित सुख मानिले ,
              भाव मनीचे मनी दडविले ,
निद्रेनी ही पाठ फीरविली ,
               स्वप्नी कधी न सुख पाहीले ,

आता असेच आहे जगणे ,
                यंत्रा परी बोलणे हासणे ,
सरले आता सारे काही ,
                 ऊरले सुटकेची वाट पाहणे ,

                                 अशोक  मु . रोकडे  .
                                  मुंबई.