बाराव्या अध्यायी

[विक्रांत]

 बाराव्या अध्यायी । थांबलो अडलो ।
भक्तीसी जाहलो । सादर मी।।१।।
कळेना मनाला ।काय वाचू पुढे  ।
जाहले एवढे ।ओझे मज।।२।।
दडपली छाती ।पाहुनिया ज्ञान।
क्षण एक कण।मज पुरे।।३।।
परी माऊली ती। धरुनिया हाती।
सवे चालविती।सदोदित।।४।।
कळेना घुसते ।काय  टाळक्यात।
शब्द मंदिरात।सेवक मी।।५।।
कृपाळू अनंत। सखा ज्ञानवंत।
म्हणुनी  विक्रांत।धीर धरी।।६।।

डॉ.विक्रांत प्रभाकर तिकोणे
http://kavitesathikavita.blogspot.in