आठवण तुझी

[Vinod Thorat]

आठवण तुझी
सूर्याच्या पहिल्या किरणासारखी
जीवनात नवी उमेद जागवणारी
फरक इतकाच
किरण धूसर होत जातात अस्ताला जाणऱ्या सूर्याबरोबर
तुझी आठवण मात्र गडद होत जाते
वाढणाऱ्या उत्तररात्रीबरोबर


आठवण तुझी
पावसाच्या पहिल्या सरीसारखी
मन रोमांचित करणारी
फरक इतकाच
सर विरून जाते पुथ्वीच्या पोटात 
तुझी आठवण मात्र दरवळत राहते
मातीच्या सुगंधासारखी 


आठवण तुझी
रात्रीच्या गडद काळोखासारखी
सर्वस्व व्यापून टाकणारी
फरक इतकाच
काळोख सरेलही सूर्याच्या पहिल्या किरणाबरोबर
तुझी आठवण मात्र तशीच राहील
उमलणाऱ्या प्राजक्तासारखी


आठवण तुझी
अगदी तुझ्यासारखी
काळजात घर करून राहणारी
फरक इतकाच
तू नाहीस आता
तुझी आठवण मात्र तशीच आहे
माझ्यातल्या तुझ्यासारखी


- विनोद थोरात, जुन्नर
मोब ८९८३४४८२१९