वंदन माते

[Asu@16]

      वंदन माते


जन्म देऊनि मला घडविला
देऊनि लाख लाख संस्कार
वंदन करितो माते तुजला
थोर तुझे उपकार

तुझ्या प्रेमाची उब देऊनि
उठविलेस मज रोज सकाळी
घेऊनि मज पदराखाली
घाव सोशिले संकटकाळी

ऋण ना फिटो सातजन्मी
हीच प्रार्थना देवापाठी
तुझ्याच पोटी जन्मोजन्मी
जन्म मिळू दे, आस मोठी

देवा तव एक, प्रार्थना
मातेविण जगण्या असो अर्थ  ना
सदा जन्मू दे श्रावणबाळ
मातांच्या पोटी अनंतकाळ

- अरुण सु. पाटील
       मातृदिन

https://www.facebook.com/AsuChyaKavita