सदरक्षणाय खलनिग्रहणाय

[AMOL GAWDE]

•  सदरक्षणाय खलनिग्रहणाय



         आपल्यातला  प्रत्येकजण  एका  सोसायटी मध्ये  राहत  असतो . माणूस  म्हणून  जगण्याचा  आंनद  घेत  असतो . प्रत्येकजण   सुट्टी ,  सण , संप  वा  क्रिकेटचा  सामना   म्हणा  आपल्या  कुटुंबासोबत , मित्रांसोबत  आंनदात ,  उत्साहात  साजरा  करत  असतो . पण  आपल्या  सर्वांच्या  आंनदामागे  नकळतपणे  आपल्या  पोलीसांचा अमूल्य  असा  वाटा  असतो .
         ऊन , पाऊस , वारा  कशाचीही  पर्वा  न  करता  पोलीस  आपले  कर्तव्य  बजावत  असतात . प्रत्येक  सण  सर्वांना   आंनदाचे  क्षण  देऊन  जातो  , सर्वत्र  उत्साहाचे  वातावरण  तयार  केले  .  पण  या  सणांच्या   दिवसात  मात्र  रात्रंदिवस  प्रसंगी   स्वतःच्या  घरी  न जाता  ड्यूटी  करणाऱ्या आणि  आपल्या  सर्वसामान्य  जनतेसाठी कर्तव्य  पार  पाडणाऱ्या  या   महाराष्ट्र  पोलीस ,  मुंबई  पोलीस  आणि  त्यांच्या  सहकारी पथकाला  विसरून  चालणार  नाही .  पोलीसांनसोबतच  त्यांच्या  कुटुंबाच्या  त्यागाला , त्यांच्या  पाठिंब्याला  ही  विसरून  चालणार  नाही .  कारण  कुठेतरी  त्या  हजारो  कुटुंबाच्या  त्यागामुळे  आणि  पाठिंब्यामुळेच  आपल्या  सारखे  लाखो  जण  आपापल्या  कुटुंबासोबत  आंनद  उपभोगू  शकतात .   
         खर  तर  त्यांच्या  या  योगदानाला  थँक यू  हा  शब्दही  छोटासा  आहे . तरीही  आपल्या  आंनदासाठी  सदैव  उभे  असणाऱ्या  या  पोलिसांना  व  त्यांच्या  कुटुंबाला   खरंच  मनापासून  धन्यवाद  ....!!!!