IIलोकशाही हीच का ती ? लोकशक्ती ठेंचती II

[siddheshwar vilas patankar]

उचल आसूड तो

अन ओढ अंगावरी

येऊन देत लाली

होऊ दे अंग रगतापरी  II

दिन दुबळ्यांची हि दुनिया

मूठभर लोकांच्या हाती

लोकशाहि हीच का ती ?

लोकशक्ती ठेंचती II

लोक भावना पेटवून

धर्म स्तोम माजवून

दांभिक नंगे नाचती

लोकशाही हीच का ती ?

लोकशक्ती ठेंचती II

तूच अपराधी या युगाचा

डोळे उघडे न  बंद वाचा

उकले सारे पण मौन मनाचा

हात , पाय गती मंद ती

लोकशाही हीच का ती ?

लोकशक्ती ठेंचती II

जरा भासे कुठे मंगल

क्षणी माजे धर्म दंगल

विषयांचे  प्याले सोबती

लोकशाही हीच का ती ?

लोकशक्ती ठेंचती II

उठ चल आता पुरे झाले

विषय प्याले  सोड तू

घे नवनिर्माण  ध्यास तू

ठेच मूठभर काकशक्ती

ओढ आसूड रूढीवरती

लोकशाही हीच ती

जी काकशक्ती ठेंचती II

सिद्धेश्वर विलास पाटणकर C