देवाच्या गावाला

[विक्रांत]

कैसी व्हावी कृपा मज दीनावर
देव दिगंबर पहावा मी ||
कैसा कानी पडे दृढ नाभीकर
हात डोईवर वसावा तो ||
अखंड धुनीचा होवून सेवक
भजावा पावक तेजोराशी ||
कैसी विभूती ती लागेल या देही
देहासी विदेही करणारी ||
सुटेल बंधन सरेल संसार
राहीन अंतर दत्त पदी ||
विक्रांत निघाला देवाच्या गावाला
अंतरी वळला गूढ मार्ग ||


डॉ विक्रांत प्रभाकर तिकोने
http://kavitesathikavita.blogspot.in