सांग रे देवा

[ram.suryawanshi]

          सांग रे देवा 
पांघरूण उन सार
केल हे रान
        शेतांमधी घामा सवे
        बोलते हे अंग
भुईच्या ह्या अंगातुन
कवा उगवणार् सोन
          सपन बांधुन उराशी
          कामी लागतोय भोर
घसा कोरड भागवया
रनोरान हिंडती ढोर
           नाही मिळत त्याशी
            पाला पाचोळयाचा आधार
स्वप्नी येता बालपण
बाच दिसे सोन्यावनी रान
            दूध दुपत्याची जानवर
            बैल जोड़ी ही खिलार
कसा पवनी घालायचा
वान्याच्या ढवावर
            जाग येता सपनातुन
             हंबरडा फोडित होती जानवर
कसा ओढवला दुष्काळ
पाण्याविना मरती सार
              सांग देवा सांग देवा
              आम्हा कुण्या जन्माच हे पाप
भोगावया लावतोशी
आम्हा लेकरां बाळास
                सांग देवा सांग देवा
                कधी जाईल दुष्काळ

          कवी - राम सूर्यवंशी
          रा - माकणी, ता -अहमदपूर
          लातूर