कविता II नका करू इथे प्रकाश , मला राहू द्या अंधारात II

[siddheshwar vilas patankar]

नका करू इथे प्रकाश

मला राहू द्या अंधारात

मी माझ्या काळोखात

सुखे उभा II

दूर लावा तुम्ही दिवे

तेल टाका त्या दिव्यात

काढा वात ती बाहेर

माझं अंधार माहेर II

दिवे लावून शोधता

दिवे पाहून शोधता

तरी सापडत नाही

तुम्हा पाहिजे तो रस्ता II

इथे अंधार माखला

मी अंधार चाखला

वाट चालता चालता

सर्व रस्ता एक झाला II

सिद्धेश्वर विलास पाटणकर C