कविता II मास्तर म्हणतात पोरांना , पिरेम लय वाईट II

[siddheshwar vilas patankar]

मास्तर म्हणतात पोरांना

पिरेम लय वाईट

करू नका कधी तुम्ही

जाल सर्व खाईत II

झाडे लावा,  गुरे चारा

मायबापास पोसा

पिरमामध्ये हे शक्य नाय

मग का स्वतःस कोसा

पिरेम पिरेम करता करता

बिनपाण्याची झाली

सोन्यासारखी नोकरी जाउनी

घंटा हाती आली II

हाती छडी अन टोपी घेऊनि

सायकलवरूनी  येतो

डोक्याला मॉप शॉट लावूनी

परत घरी घ्यायला जातो II

पगारपाणी ना येळेवरती

घरी वाढला भांडणतंटा

छडी घेऊनि फक्त बडवितो मी

शाळेमधली घंटा II


सिद्धेश्वर विलास पाटणकर C