जीवन

[Asu@16]

          जीवन

जीवन असे जगावे,
आनंदाला उधाण यावे. 
           आंधळ्याची काठी व्हावे
           लंगड्याला पाठी घ्यावे   
            तृषार्ताचे पाणी व्हावे   
            दुःखिताला गाणी गावे                                       जीवन असे जगावे,
आनंदाला उधाण यावे.
           भुकेल्याचा घास व्हावे
           दुबळ्यांचे त्रास घ्यावे
           अनाथांचा नाथ व्हावे
           भरकटल्यांचा पाथ व्हावे 
जीवन असे जगावे,
आनंदाला उधाण यावे.
           मृत्यूलाही कळण्याआधी
           नकळत मिटून जावे
           जीवनाचा अंतसमय
           आनंदाचा उत्सव व्हावे
जीवन असे जगावे, 
आनंदाला उधाण यावे.

- अरुण सु. पाटील

https://www.facebook.com/AsuChyaKavita