होईल पहाट....?

[Ashok_rokade24]

माळरानी ऊभा एकटा ,
            नजर दूर क्षितिजावरी ,
होईल कधीतरी पहाट ,
             साथीला किरणे सोनेरी ॥

रात्र काळोखी सरता सरेना,
             तिरीप ऊजेडाची कुठे दिसेना ,
विळख्यात काळोखाच्या गवसलो ,
             भय पुरते दाटले अंतरी ॥

होईल कधीतरी पहाट ,
             साथीला किरणे सोनेरी ॥

फांदीवर वाट गिधाड पाही ,
              काळोखी लांडगा लपून राही ,
कोल्ह्यांची नच थांबे कोल्हेकुई ,
              धडधड अती वाढली ऊरी ॥

होईल कधीतरी पहाट ,
             साथीला किरणे सोनेरी ॥

माणसे  चहू बाजूने जमली,
              मना मनामध्ये स्वापदे शिरली ,
असह्य़ पुत्कार नागिनीचा जहरी                 
               शब्द जणू ते  बाण विखारी ॥

होईल कधीतरी पहाट ,
             साथीला किरणे सोनेरी ॥

तरीही अजूनी जीव अडकला ,
                हातामधूनी जरी काळ निसटला ,
आस न सुटली अजून मनीची ,
           कवडसा प्रकाशाचा दिसेल कधीतरी॥

होईल कधीतरी पहाट , साथीला किरणे सोनेरी ??

   01/06/2015        अशोक मु.रोकडे.
                                मुंबई.