माझे दोन्ही गुरू नगरनिवासी...

[Ankush S. Navghare, Palghar]

माझे दोन्ही गुरू नगरनिवासी
एक आहे योगीराज
एक आहे अखंड सन्यासी
एक मज दावितो सुपंथ
एक शक्ती चालावयासी
माझे दोन्ही गुरू नगरनिवासी
एक राजा ब्रह्मांडाचा
एक त्रैलोक्य व्यापीसी
एक देतो अन्नछत्र
एक लावे मार्गासी
माझे दोन्ही गुरू नगरनिवासी
एक देतो दृष्टी मजला
एक नजर पाहावायासी
एक देतो भक्ती मजला
एक येतो तारावयासी
माझे दोन्ही गुरू नगरनिवासी
एक संकटांतून सोडवी
एक शत्रू हारावयासी
एक माझ्या चराचरी वसे
एक माझा हृदय अधिवासी
एक माझा हृदय अधिवासी
माझे दोन्ही गुरू नगरनिवासी...

.... अंकुश नवघरे
दि . 24।10।2016.