कविता II माझे स्वप्न ठावं मला , साकार होणार नाही II

[siddheshwar vilas patankar]

माझे स्वप्न ठावं मला

साकार होणार नाही

माझ्या मनातला चित्कार

तुला कधीच कळला नाही

हृदयात तोडले मी स्वप्नांचे तारे

निवांत बसून विणले मोहजाल सारे

त्या जाळ्यात मीच अडकलो

माश्यावाणी एकला तडफडलो

तुला दोष नाही

हे दुर्दैव माझे

ह्या जन्मी पेलायचे मजला

तुझ्या स्वप्नांचे ओझे


सिद्धेश्वर विलास पाटणकर C