कविता II तो स्पर्शच नवा होता II

[siddheshwar vilas patankar]

तो स्पर्शच नवा होता

का कुणास ठाऊक

भासे हर एक भेटीची अपूर्वाई

उमजे ना मज कारण

का तो कायम हवा होता II

चुकून लागलेल्या धक्क्याने

भवताली दाट धुके झाले

सुचले नाही क्षणभर

मन कायमचे मुके झाले

भर ग्रीष्मात मज बाधला

प्रेम शिशिराचा गारवा

कारण , कारण ..... कसं सांगू तुम्हाला

तो स्पर्शच नवा होता II

शुष्क होते मन माझे

सत्वास मी जागलो

का जाणे सैरभैर

धक्क्यापरी वागलो

हळू हळू अंतराने

रंग घेतला नवा

पालवी ती जागोजागी

देठ झाला हिरवा

कारण , कारण ..... कसं सांगू तुम्हाला

तो स्पर्शच नवा होता II


सिद्धेश्वर विलास पाटणकर C