कविता II व्यथा वाढत असते अशीच , अजून एक कथा बनायची म्हणून II

[siddheshwar vilas patankar]

आपण पूर्वी लांब असुनी जवळ होतो 

आता जवळ येऊनही दूर

लग्न प्रथा असली तरी व्यथा आहे माझी

शिवधनुष्य पेलले तरी

कैक जीव मोडले लग्नानंतर

दोघेजण पुरते दुरावले

ती बोलते, तो हलतो

हलायचे म्हणून

केलेले लग्न टिकवायचे म्हणून

ती मागते, तो देतो

द्यायचे म्हणून

तो खेळत असतो भावनांशी

करतोय हे दाखवायाचे म्हणून

चालत असते आयुष्य असेच पुढे

चालायचे म्हणून

अंतर वाढत असते नकळत

वाढायचे म्हणून

ती वेड्या भ्रमात असते

मनाशीच हसत असते

हसायचं म्हणून

तो कधीच दूर गेलेला असतो

तरी रहात असतो जवळ

केवळ बंध निभवायचे म्हणून

व्यथा वाढत असते अशीच

अजून एक कथा बनायची म्हणून


सिद्धेश्वर विलास पाटणकर C