गुरुमूर्ती आली...

[Ankush S. Navghare, Palghar]

वाट पहात होतो
विनवण्या हि केल्या
ते येणार येणार म्हणून
किती रात्री गेल्या
तहान भूक गेली
बुद्धी जड झाली
विरहात त्यांच्या
शुद्धि हरपली
अचानक एक जण
निरोप घेऊन आला
ते येणार म्हणून
वर्दी देऊन गेला
तयारीला लागलो
सर्व घर झाडले
मनाच्या कप्यातलेही
जळमट काढले
चकाचक सारे
घर माझे झाले
आनंदाच्या भरात
रंगोळ्यांनी न्हाले
ती रात्र सरली
वाट माझी संपली
भाईंच्या रुपात
माझी गुरुमूर्ती आली
माझी गुरुमूर्ती आली...

.... अंकुश नवघरे