स्वप्न घराचे ..........

[Ashok_rokade24]

स्वप्न पाहिले घराचे,
         स्वप्न साकार केले,
घर तर ऊभारले ,
           परि घरपन हरवले ,

भिंती चहूबाजूंनी विटांच्या ,
           माथ्यावर छतही मिळाले ,
यंत्राची बहरली जत्रा ,
            मानूसपण हरवून गेले ,

घर  तर ऊभारले ,
             परि घरपन हरवले ,

जग अवतरले काचेच्या कोंदनी ,
            आपण नुसते पहावे मुकेपणी ,
कुणासी काय कथावे आता ,
             शब्द ही सारे कसे मुक झाले ,

घर तर ऊभारले ,
               परि घरपन हरवले ,

कोलाहल बाहेरील दावी काचेची तावदाने,
             सौख्याची वाट अडविली बंद दाराने ,
ऐकण्या सवड नसे वेळेची बंधने ,
              शब्द मनातील दूरध्वनीत अडले ,

घर तर ऊभारले ,
              परि घरपन हरवले ,

माणसा साठी घर हे ऊभारले ,
              अहंकाराचे बीज त्यात रूजले ,
मना पासून मने दूर झाली ,
               अहंकारी आकंठ डुंबुन गेले ,

घर तर ऊभारले , परि घरपन हरवले ॥
                          अशोक मु. रोकडे,
                           मुंबई.