मंत्रमुग्ध होना

[sagar dubhalkar]

तो:-     मी एकटाच बसलो सजणी सोबतीला तू येना
ती:-     करू नको मस्करी सजना मंत्रमुग्ध होना

तो:-      सुगंध हा फुलांचा रानाराणात पसरला
            ये तुही आता ग, सोनचाफाही बहरला
ती:-       तू थांब जरा रे पाय माझा घसरला
           तुला पाहताच सजना अंधारही ओसरला
           मी साद देते तुजला , तू साद मजला देना
           करू नको मस्करी सजना मंत्रमुग्ध होना

ती:-      का झाला रे नाराज, गीत घेऊन मी आले
            सुख लोळतया पायी , दुःख सारे पळाले
तो:-      हि तुझी ग किमया, झाड बहरून आले
            तुला पाहून सजनी, चराचर बहरून आले
           मी हात देतो तुजला, तू हात माझा घे ना
           मी एकटाच बसलो सजनी, सोबतीला तू ये ना

तो:-     सांजवेळ झाली, सूर्यही बुडाला
           बघ पाखरांचा थवा , घरट्याकडे निघाला
ती:-     लाली त्या रवीची कशी आकाशी सांडली
           मातेनेही हिरवी माया आम्हावर मांडली
          जन्मभर साथ देईन, शपथ आज घेना
          करू नको मस्करी सजना , मंत्रमुग्ध होना