कविता II तुझ्या मागून चातकांचे थवे उडाले II

[siddheshwar vilas patankar]

तुझ्या मागून चातकांचे थवे उडाले

खड्ड्यात गेला पाऊस सारा

खड्ड्यात गेले थेम्ब अन धारा

नयन बाणांनी घायाळ बिचारे

सर्व तुझ्या संगे निघाले

टोक टोक , टोक टोक उगाच मधेमधे

एक सुतारपक्षी करतच होता

तू सांगितलं तेव्हा उमजलं

तो तर तुझा बाप होता

त्याच्याकडे बघून वाटले

तुझ्याशी दूरवर संबंध नव्हता

तुझा बाप डोक्याला ताप झाला

साऱ्या चातकांचा सुतारपक्षी झाला

दर्शन दुर्लभ झाले म्हणून

सर्वजण टोक टोक करू लागले

भिंतीवर डोकं आपटून आपटून

दिसेल तिथे भोक पाडू लागले



सिद्धेश्वर विलास पाटणकर C